كلمات الفنان عبدالله السالم

[قالت اصبر قبلنا ليلى وقيس]

السلام عليكم ورحمة الله وبركاته

حبيت انقل كلمات عبدالله السالم المغني الشعبي

والأن هداهـ الله ربي يثبته


وللتسهيــــل على الاعضـــاء ستكــون الكلمـــات بترتيــب( الاحـــرف الابجديـــه )





حرف( أ )




((احزان ليلي))

أحزان ليلي تزاورني بعد بالنهار
وإن زاد ويلي أنا مالي بهذا خيار

ويش حيلتي ويش أسوي طفيت شموعي وضوي
وحبيبي داله سالي

ماهمه اللي جرالي غره كثير إحتمالي
قلبه من الشوق خالي وأنا فوأدي على نار

أبكي ويضحك على دمعي شوي ويقول إنت أعز ربعي
ليته بحالي يروفي


يلعب كذا بالمشاعر وكل يوم يقول باكر
وأنا للقياه ناطر أقفى وأنا منه محتار

قاسي وقلبه من حجر ياناس قاهرني قهر
مابه خليل عطوفي


أعطيه روحي ومهجتي مثله زماني ذلتي
ليته يجيني بوحدتي ويشوف غربالي

يمكن يغير موقفه مني ويتراجع
ويعود خلي وتبتهج القلوب وآعزاه

==============================


((انتهى المشوار))

إنتهى المشوار عجل بالرجوع *** قلبي المسكين مل الآنتظار
ماهقيت اليوم ساعاته تلوع *** يا شقى ليله ويا طول النهار
والمولع دايم(ن) قلبه جزوع *** لا تزيده نار ما يحتاج نار
أزرع البسمه وأشعله شموع *** يا عساه يخف ما يرجع يغار
سلوتي ذكراك تجددها الدموع *** لآ ذكره القلب عذبني وثار
عاذلي يازين للفرقا يجوع *** يتمنى لي على طول أنحدار
عزتي للنفس يهددها الخضوع *** والخجل شاور آحاسيسي وطار
أحتمي بالوقت واللحظه تفوع *** وأستبد بالهم والوقت أستدار

==============================


((ابحرت بعيونك))

أبحرت بعيونك أدور حياتــــي *** لعلي ألقى ما مضى لي من أيـام
لأ كن في بحرك ضاع مركب نجاتي *** صارت حقيقة حبنا حلم وأوهـام
ظلم(ن) جرحتيني وحطمتي ذاتـي *** وطعنتي إخلاصي من الشك بسهـام
طردتي من ليلي لذيذ المباتـي *** تسهر عيوني وحولي الناس نيام
من عقلي ضاعت حيلتي والثباتي *** مكنتي جرحك داخل القلب بحكام
جودي بحنانك قبل ساعة مماتـي *** مابي بحبك يلحق اللوم لواااام
كلمة رضى بصوتك هناي وغناتـي *** همس السعاده دافي اللحن رنـام

==============================


((اجل رحيلك))

أجل رحيلك بالسفر لا تعجـــــل *** قلب العنى توه بعد مهتنى بــك
إسمح لي في ليلة لقى قبل ترحل *** أعيش في ذكراه مدة غيابـــــك
أخشى مع الأيام عني تبــــــدل *** ويجفي هبوب الهجر من دون بابك
أحساسك بحبي لغيري يتحــــــول *** مثل الربيع أشتاق وناطر سحابك
الاياعديل الروح تكفى تجمــــل *** لا تطول بفرقاك يسلم شبابــــك
لا تجعل دموعي على الخد تهمــل *** تجرح خفوق(ن) بالمحبه شقى بـك
==============================


((ارحلي بسكات))

إرحلي بسكات وخلي دمعتــي *** مع حنيني كنتي أحلى الذكريــات
إنشراح البال وفرحة مهجتي *** ياعبير الورد ياعيون المهـــات
مقدر أخفي في وداعك عبرتي *** لهفتي تفضحني يازين الصفــــات
حتى لو جت نظرتك في نظرتي *** ينكشف أمري بترديد الآهــــــات
ما بقى لي غير همي ولوعتي *** مقدر أنسى وحالي ما هي والنجات
هذا حظي يا حبيبي وقسمتـي *** الندم مايفيد من بعد الفـــوات
==============================


((اسئل عيون الليل))

أسئل عيون الليل وش حالي من حــال *** في غيبتك يابو الثمان المراهيــف
حال(ن) على كف الغرابيل من شــال *** تلعب به أمواجك بعيد(ن) عن السيف
ما قوى على فرقاك ياطيب الفـــال *** لا من ذكرتك صابني أهبال وتخريــف
عجزت أسلي خاطري عنك والبـــــال *** والنفس في نسياك ماهي على الكيـف
أمسح دموعي كل ماشفت عـــــــذال *** وأثري أثر حبك على الحال قد شيـف
قالوا لي صبرك يافتى ليا متى طال *** قلت أتركوني لجله الموت تشريـــف
==============================


(( البارحه ))

البارحه في تالي الليل ونيـــت *** ونيت من هم(ن) تهيض بصــــــدري
سكبت دمعي من عيوني لأكـن أزريت *** أحجز دموع(ن) من عنى القلب تجري
ليلي طويل(ن) يا عرب ماتهنيــت *** هم(ن) يصدربي وهم (ن) يحــــدري
وأصبح علي الصبح وأنا أنوح ممسيت *** أجاذب الونات وأمشي وأهـــــذري
من لوعة الحرمان ياناس قاسيــت *** أساهر أنجوم السماء لين تســــري
وأصبحت أنا لاني بحي(ن) ولا ميــت *** أسباب منهو يتـلذذ بهجـــــــري
==============================


((العين ماتذرف الدمعات))

العين ماتذرف الدمعات معيوفـــه *** ماترخص الدمع لا بأول ولا تالـي
لو خفت الدمع عينه غصب(ن) يشوفونه *** والنار لو غاب نوره دخنت عالي
مابه رمد ماتهل الدمع مطروفـــه *** لا شك غصب(ن) تهله من عنى حالي
عزاه من عيني يالي دوم مليوفــه *** عافت لذيذ المنام وخاطري خالي
==============================


((الود ودي))

الـود ودي ماتفـارق دقيـقــه *** عن ناظري لا شك منته بطـــوعي
قلبي ألى من غبت صابته ضيقـه *** ومن كثر شوقي لك تنثر دموعـي
أغليك أدري انك تعرف الحقيقه *** لكن تظن انه هـداوة أطبوعـــي
جفاك صعب ومهجتي ماتطيقــــه *** أرفق بحال(ن) له فؤادك قنوعي
داؤ الجروح لنك تعرف الطريقه *** لاتصير مع مغليك قاسي قطوعــي
==============================


((اميل للعزله))

أميل للعزله وأبعد عن النــاس *** مابي عيون الناس تنظر لحالي
قلبي من الأحزان تايه ومنحــاس *** وعيني تهل الدمع ياعزتالــي
ما عدت أواطن عقب فرقاه جــلاس *** من حزني يالي ماعطاني مجالي
جو السعاده لي تبدل بالأتعــاس *** من يوم عني أبعدتك الليالـي
أصيح بسمك كل ماهب نسنـــــاس *** لجت بريحك لي هبوب الشمالـي
و أذرف دموع الوجد وأقول لابأس *** ومن القهر تصفق يميني شمالي
عزت علي فرقاك ياعدم الاجنــاس *** ماني عقب فرقاك تايه وسالـي
حبك بقلبي ماله أحدود وأقيـاس *** حبك حياتي وشوفتك راس مالـي
==============================


((او اه من هم الدهر))

أوآه من هم الدهر ياجماعــه *** أنوح مالي بالنجى والجنوحـــي
الي يهواه القلب سن القطاعـه *** وش الحياة ليا غاب مظنون روحي
والحب ماتنفع معاه الشجاعـه *** بصبر لعلك يالغظي يوم توفـــي
يازين حبي لك يزيد إندفاعـه *** إنظر من أسبابك كثيره جروحــي
نار الجفى تشعل بقلبي ولاعـه *** حملتها ما فاد كل النصوحــــي
ودي يغيب الحزن لو ربع ساعه *** عني ويغمض جفني نومه شحوحـــي
==============================


((الليل شاب))

الليل شاب وبين الصبح نـــوره *** وأنا عيوني ساهره عافت النــوم
أبكي وليف(ن) شط عنه بـــدوره *** غاب وتركني بين لوعات وهمـــوم
سهر عيوني وراح يبني ســـروره *** يضحك لشافن حزين(ن) ومضيـــوم
خلي تكبر والسبايب غـــــروره *** أنا أشهد إنه ميت الحس معــدوم
باهي عنيد الراي في بعض أموره *** وبحاجبه موت المحبين مرســــوم
حطم فؤادي مادرى عن شعــــوره *** وضح العزى عنده مراسيم وهــدوم
لا جيت أحدد موعد(ن) لجل أزوره *** ثار وزعل والعذر به غير مـلزوم
غلطان يالي صرت خلي تــــزوره *** غلطان لا تحكم بشي(ن) جرى اليوم
الحب بالتقدير تنمى زهــــوره *** يرضى ولا يسمع به العذل واللـوم
==============================


((انكشف غدرك))

إنكشف غدرك في قلبي وإنتهت *** كل ذكرى ماضيه لك في حياتي
الصراحه بالهوى منك أختفت *** والجفى و الصد من حبك غناتي
نار حبك وسط قلبي أنطفت *** لاتظن إنه تشتعل لين المماتي
صورة(ن) لك في خيالي إنمحت *** مخلص(ن) بالحب غيرك هو شفاتي
لو شقت نفسي بحبك وأرتضت *** في هواك الذل حبك هو سلاتي

==============================


((اكمل معي ياشوق))

أكمل معي ياشوق دربا بديناه *** أصبر على جرح(ن) تعذر مداويه
ياما بقلبي من جروح(ن) مخفاه *** لأكن على شأنك تحملت مأبيه
الصد لا تكفين يابنت مقواه *** من لي ملاذ(ن) عن همومي أناديه
عقب الغلأ بان الجفا في حلاياه *** نوى على قلب(ن) تباعدت ينويه
يالوعتي ياكيف ياخوك أنا أنساه *** كانه صدق في نظرته في تخليه
أشكي لبو سامي عذابي لفرقاه *** تكفى صلاه يمكن يبين خوافيه
مجبور أشكي وأشتكي من عشقناه *** أشكي لبو سامي عذاب(ن)أعانيه
==============================


((امودعا ياحبنا الغالي))

أمودعـ(ن) ياحبنـا الغالـي باالخيـر *** عنك الزمن أخفى شعـاع الحقيقـه
ضاعت على دربك ضروف التياسير *** والخطوه في ممشاك تاهت طريقـه
والله ماجى مني ومنهـا تقصيـر *** بقلوبنـا جـذور المحبـه عميقـه
ماكنا نعرف للشقـا اي تفسيـر *** أرواحنا في بحر السعـاده غريقـه
واليوم حال الأمس أصبـح بتغييـر *** صار العنى عقب المسـره رفيقـه
بعمايلك تعطف ونرجـي المقاديـر *** تسمح لنا بالوصل لو بـس دقيقـه
==============================


((الرحيل اثر على قلبي))

الرحيل أثر على قلبي الشقى *** صرت أعاني وحشة الليل الرهيب
يابقايا الأمس انا لي وش بقى *** ماتت الآمال مالي به نصيب
تشتعل ورقى على همس اللقى *** لانضمت أبيات شعري للحبيب
حبي العذري على وضح النقى *** ما أبالي له على طول السهيب
حسبي الله فرقو بين أرفقى *** صار كلن يشتكي جرحه عطيب
عالم العشاق للعاشق شقى *** أسئل مجرب ولاتسئل طبيب
في فراقه يوم قلبي ماهقى *** ليلي أصبح بديارك كالغريب
في سماء الأحلام مضنوني رقى *** جعلي ما أسرح به ويفضحني النحيب =============================


((اجرحي القلب الشقي))

إجرحي القلب الشقي يامنيتي *** كل إحساسي بالأمي أنعدم
صرت متعود أشوف بدمعتي *** كل حزن(ن) فوق خدي يرتسم
صرت مدري وش معاني فرحتي *** صارت الدنيا بلا لون وطعم
كل ما حاول أوضح شكوتي *** ألتقي دمعي على خدي أنهدم
صارت الدمعه تسابق كلمتي *** في دروب الحزن توقف بالقدم
كنت أظن إني أقدر أنسى لوعتي *** لا كن ظنوني وآمالي وهم
==============================


((الزمن غدار))

ياسعاده عشتها بعد النكد *** بس خايف لايجي يوم وتزول
ماسعاده دامت لغيري أبد *** الزمن غدار عاداته خذول
خايف العذال ومن أهل الحسد *** ومن وشى مابيننا بقال أو يقول
وش حياتي بعدها و وش لي بعد *** كل شي بعدها ماله قبول
الهنا شفته ولاشافه أحد *** بين شمسه وبيننا ماحد يحول
له حياتي وما طلبت مني بعد *** ومن فداها العمر قاصر أو يطول
=================================================


((انتي اغلى من عيوني))

أنتي أغلى من عيوني كم من أجلك بهذلوني *** لا أجيك و لاتجوني لا مساء لا صباح
كل ماشافوك جيتي عذبوني مادريتي *** وش حكيت ووش حكيتي وش لهم ضامر صلاح
كم رموني بالسجون من أجل شك وظنون *** كل ماقدر يكون لاتطرين الصياح
المحبه والغرام عندهم شي حرام *** والنميمه ياسلام عندهم شي مباح
=================================================


((اضحك واخفي))

أضحك وأخفي حزن الأيام عندي *** وأكتم هموم القلب وأصبر على النار
أركض وأزيد خطاي و آقف وأعدي *** وألقى رجولي ما مشت بضعة أمتار
بيني وبين الحزن قصة مودي *** مانفترق دام القمر للوطى جار
رضيت بهموم الزمن والتحدي *** في غربتي الأيام لي فيها تذكار
نفسي عزيزه ماتبيح بسدي *** لو زادت همومه أمينه بالآسرار
===========================================



حرف (ب) لايوجد كلمات


حرف((ت))


((تعالي زادك الشوق))


تعالي زاد لك شوقي تعالـــي *** وأرحلي بي عن عذابي والهمـوم
طال صبري وانتهى كل أحتمالي *** وآ عذابي كان زاد البعد يوم
زاد وجدي وأبتعادك سم حالـي *** عزتالي صرت أنا منك محــروم
أفتقدتك وإنت وحدك راس مالي *** السعاده ما نوت جنبي تــدوم
أبعدتني عنك أنا سوء الليالي *** دوك عيني من فراقك ماتنــوم
الشقى والويل وغيره بقالي *** يوم عطفك أرتحل صار معــدوم
كان يجري لكل عاشق ماجرى لي *** ما على من يشكي اللوعات لـوم
==============================


((تلاعب بالغلا))


تلاعب بالغلآ باسلوب باهــر *** غرورك يجذبك لعيون غيــــري
تنام الليل والمجروح ساهر *** يناجي الليل بالدمع الغزيري
ثلاث إسنين وأعمتك المظاهر *** نسيت الود وأخلفت المسيــري
عشقتك للآسف بإحساس طاهــر *** أحسب إنك بهالدنيا عشيـــري
جزى الإخلاص بالهجران شاهـر *** سيوف الغدر يالترف الصغيـري
أشيل الجرح وأضحك وأتظاهر *** بسعيد الحال والخافي خطيــري
دخليلك لاتجيني بالمقاهر *** سفينة حبنا عيت تسيري
==============================


((تلاقيت انا وياه))


تلاقيت أنا وياه صدفه بلا ميعاد *** في ساعة(ن) جتني المقادير بالغالي
ليلة فرح من غير عذل ولا حساد *** ليله بها نور القمر فوقنا عالي
جاني نظر عيني وراحت همومي غاد *** و أبرى جروح(ن) والشقى إنزالي
ألآ يا عيوني طاب لجفونك المرقاد *** وأخظر غصن القلب من عقب المحالي
غلاكم بروحي كل ما بعدت به يزداد *** دخيلك هوى بالي على بيبكم طالي
من قبل أشوف الزين عايش بلا ميلاد *** أمشي مع العالم بلا أحساسآ في بالي

==============================

((تعالي ياغريبه))


تعالي ياغريبه
أنا مثلك غريب

باخذك حبيبه
وخذيـني حبيــب

وشوفيني آمــل
وأنا أشوفك سنا

وحسيني أمـــل
وأنا أحسك أنـا

بأخر حروف العذاب يابنت أنا قلبي
واول حروف السراب يابنت انا قلبي

في ليلك الضافي..في حبك الدافي..اموت انا وأحيا
.........فيه سري الخافي يموت أو يحيا........

لو نحب ماهي غريبه الزمن مابه غريب
أنا بأخذك حبيبه وأنتي خذيني حبيـب

حنا جمعناالعذاب واليوم يفرقنا القدر
تعالي نجتمع أحباب من قبل دنيانا تمر

...مكتوب علينا..تبكي علينا...
وتقول هذي غريبه..وتقول هذا غريب
ولاهي صارت حبيبه..ولاهو صار الحبيب
..................................................

حرف(ث )لايوجد كلمات




حرف( ج )



((جاملني))

جاملني لو مره بلحظة زيـــــاره *** أبي أودع عقبك الروح وأرتـــــــاح
لحظة هنا صبري قضى بأنتظــــاره *** لو عشتها مابكي على العمر لو راح
بلياك هالدنيا حياته خســـــاره *** لصارت أيام(ن) بها السد ينبـــــاح
دونك وجود(ن) هز كامل عمــــاره *** وأصبحت سفينة حبي من غير مـــــــلاح
حظي بدربك مال وضيع مســــــاره *** وبغير دربك ماتبي النفس مـــــرواح
ما أحد(ن) بهالدنيا شقا بأختياره *** تمشي المراكب كيف ما تهب الآريـــاح



==============================

((جفت دموع العين))

جفت دموع العين من كثر مبكيـــك *** والنوم عيني من فراقك جفاهـــا
قاسيه ضروفي أبعدتني وأنا أبيــك *** أرجي عسى الفرقا قصير(ن) مداهـا
ياصاحبي لا تختلف هقوتي فيـــــك *** لا لا يغير بعدنا في صفاهــــــا
ياكود فرقا صاحب(ن) لك مصافيــك *** من جربه ياناس يشكي عناهـــــا
كانك سعيد(ن) ياعشيري أهنيــــك *** جعل الليالي لك تجود بهناهـــا
تستاهل التقدير بالروح أنا فديك *** تفداك روحي يا غلاي ومناهـــــا
يا قلبي ساعدني وأحقق أمانيـــــك *** وأتحمل القسوه وتقطف جناهـــــا
وأسعد مع اللي عن همومك يسليـــك *** وإنسى الهموم وما مضى من شقاها


==============================

((جيت البحر))

جيت البحر وألقيت همي للآمــواج *** حيث إن قلبي يصطفق مثل موجــه
جرح الزمن والحب مافيه له إعلاج *** وين الحبيب الي تسليني أهروجه
في سكة العشاق أسايرك محتـــاج *** وقف بدربي دنيتي منك عوجــــه
يا صاحبي مثلك مع الخلق ما داج *** عليك أنادم من تحانت أبروجــه
كل ما تلقينا تحرجني إحــــراج *** أحرجتني والقلب يصبح أحروجــه
الحزن يالغالي يداهمني أفــواج *** بعدك فضات الكون ضاقت أفجوجـه
الحب يكبر والشقى شيد أبـــراج *** لجى رسول الشوق ناطر أهروجــه

==============================



حرف((ح))


((حســــــايـــف))

حسايف صار هرجي لك نظر *** حسايف يا حسايف يا حسايف
غدر بي قلبي الطيب غدر *** تولع في عيونك يا حسايف
تغير يوم شفتك ما أنتظر *** تغير ليه صار القلب خايف
لجى لك باعدك كل البشر *** فرح بك يا بعد كل الولايف
تولع صار شوقه لك بحر *** همس لك و أنتظر رد الشفايف
تعذب كن وقفاته شهر *** تجرح وش منع زين الوصايف
قريبك وأرعد بقلبي رعد *** قريبك يا حسايف يا حسايف

===========================


((حيرتني بالصمت))

حيرتنـي بـالصمـت ياصوت غالـي
مادري متى تعزف على أوتار سمعـي
مـدري متـى يهـدى عليـك أنشغالـي
تـرتـاح نـفـس حـاربــت كـــل ربـعــي
لآظـلـم سـمـاي اللـيـل رافــقت حـالـي
في مركب الذكرى وسط بحر دمعـي
أن جـاء النـهـار أســرح بـدنـيـا خـيـالـي
وقـف تـرا ذا الوهـم ضمـيـان زرعــي
لاتحسب أنـي ياهـنـا الـــروح سـالــي
ليتك تشوف بعينـك أشلـون وضعـي
فـــي بـعــدك الأيـــام نـــد الـلـيـالـي
الحزن من عقـب الفـرح صـار طبعـي


===============================

((حل الفراق))

حل الفراق وقرب البعد يازين
حل الوداع وسامحي ياحياتي
ياعين هلي دمعتي اليوم ياعين
وأبكي دموع الحزن ياعين هاتي
الشوق يحرقني ولانتم بدارين
هاتولي القرطاس أبكتب وصاتي
بأكتب وصاتةٍ كامله لريش العين
من قبل مانزعل أبروي حياتي
مابي أموت وباقي له علي دين
أبيه يذكرني ولو في مماتي
وأقول للعذال حنا شريـــــفين
حرام مالمست شفاته شفاتي

==============================


((حيره وهاجوس))

حيره وهاجوس ولوعات وهموم *** تناولت عقلي وروحي وبـــــــــالي

من عقب صبري أتضح سر مكتوم *** باح العزى من عقب شي(ن) جرالي

رددت أسمه حين غطيت بالنوم *** ورحل ونيني مــــــع هبوب الشمالي

سمعوه من زادوني للعذل واللوم *** وأصبحت في هــــمي وحيد(ن) لحـالي

واليوم من شاهد هوى البال محروم *** تسببوا لي بــــه وتهنوا بــــه بدالي

حرف((خ))



((خلاص من حبك))

خلاص من حبك ترى خاطري طاب *** هدمت يالمغرور حبك من الساس
حبك تغير قلنا ويش الأسباب *** والإ سمعت الي حكو فيه الأنجاس
تلعب على الحبلين ماتحسب أحساب *** وأنـا من أجلك بين هم(ن) وهوجاس
تضحك يابو وجهين وأثاريك كذاب *** خليت منهو من سبايبك محتاس
خساره أيام(ن) حسبتك للأقراب *** من شأن حبك عفت أنا أقرب الناس
أيا عديم الذوق أنكرت الأحباب *** خدعت من قلبه رقيق(ن) وحساس
كنت أحسبك وافي وأثاريك نصاب *** خاين عهد غدار معدوم الآحساس




===========================


((خلها بالقلب))

خلها بالقلب تحرق ما بقى *** عادتي مأشكي على غيري عناي
كل واحد من عنا الدنيا لقى *** مشغله والحب هو سبة بلاي
يوم راح الي مع قلبي يهقى *** أدفن أحزاني وفي قربه هناي
أكمل المشوار أنا ويا الشقى *** وانت حب في صمت والذكرى عزاي
يكفي إن الحب في قلبه رقى *** مثل ما حبه تمكن في حشاي
لو زماني بالهنا عاد وسقى *** قلبي العطشان مايروي ضماي
لو عطاني من نعيمه مابقى *** ما تساوي ضحكة الغالي معاي

===========================


((خاطري طاب))

خاطري طاب من ذاك الفريج *** صد قلبي وأنا تابع هواه
كل يوم وأنا أدق الطريـــــق *** ولا أحد(ن) قال لي وآعزتاه
خبروني راعي الثوب الرقيق *** لايجيني ولاعيني تراه
أحمد ألله تهيئ لي صديــــــق *** لويجيني مطلع من جزاه
يوم أنا بالهواء جرحي عميــق *** قايد الريم يبخل في دؤاه
لامشى هايم الخصر الرقيق *** له ردوف تتله من وراه

حرف(د)



((دورة الايام))

دورة الأيام جتني بالنكد *** والسماء الصافيه تلبد بالغيوم
شالت الغالي ولا عندي أحد *** غربتي سكانها كثر الهموم
سافرت بي من بساتين السعد *** رحلتي حتى نسايمها سمـوم
لين حل الليل في صدري قعـد *** هاجسي لا حل بي ماقوى اقـوم
وأشرقت شمس الضحى صاب(ن) رمد *** ناظري عقب الغضي ماله لزوم
كل ماذكر بسمته مابي جلـد *** أفضح المكتوم و أشق الهـدوم
وعسى الله ما يفرقنا أبد *** والمحبه بيننا جعله تدوم


===========================


((دعاني الحظ))

دعاني الحظ في غفله دعاني *** يقول أرتاح في حظني ثواني
واسطر لك مع الآشواق كلمه *** على ما نشتهي بأحلى المعاني
وغاب الوعي والتفكير عني *** غريبه وش بلاه أقبل زماني
وأنا اللي طاح حظي ما خذاني *** طوال الليل بالهوجاس أعاني
أغرد للشقى بدموع عيني *** وأسولف للثريا عن حناني
وأطالع من سلب عقلي وروحي *** تركني وأبتعد وأختار ثاني
أنا اللي كل ما عندي عطيته *** وإدار ظهره ماقصر عطاني
وأنا اللي مخلص(ن) بالحب وافي *** جزى الإخلاص محبوبي نساني
قضبت الحب في دمي وروحي *** وعزفت أحلى نغم للمودماني
لقيت اللي معاه أبني حياتي *** بعزت نفسي سمته وأشتراني
وسطرنا سوا كلمة محبه *** على ما نشتهي جتنا أماني

===========================


((لحن التياعي))

داعي وله يعزف على البال ذكراك
يعزف بصوت الليل لحن اللتياعي

يترك بنفسي لك أثر جرح طرياك
يأعـز من ردد حروف الوداعي

قدمت صافي الود على كف يمناك
وأهديت كل الحب دون أمتناعي

يوم الزمن وافي

وفيتي كلامك

شمس أكتست دنياك زاد بالشعاعي

كم ضاحكتني دنيتك بضحكة إشفاق
وبحر السعاده هايم(ن) به بلا شراعي

تاهت مراكبنا

على جال ميناك

ومرساك دونه مركبي له ضياعي

فرقى الحياة أرضى ولا يوم فرقاك
أريح من العيش بحيـاة الضيـاعي



=============================


((داعبي زهر الربيع))


داعبي زهر الربيع بلمسة الكف
وعطري بعطر اللقى نسمة هوانا
قبل ينبوع الهنا بالهجر ينشف
وتيبس غصون الوفا بجنة غلانا
لي متى حسب الظروف حنا نتصرف
لي متى صوت العتب يجرح رجانا
وين حنانك يامنى نفسي تلطف
وبدلي غيوم الزعل تشرق سمانا
نظرت(ن)فيهاالرضى للعين تعطف
وأن حصل معها أبتسامه ياهنانا
شوفتك غنوة فرح بالقلب تعزف
تطرب الآشواق وتعـلل لقانا
غيبتك دمعة حزن بالويل تذرف
تطفي شعاع الآمل في ملتقانا

حرف(ذ)لايوجد كلمات




حرف(ر)



((رحيق الورد))

الا منه زعل أشقى *** أبات الليل سهرانى
رحيق الورد لو قالوا *** جميع الناس يازينه
يطيح من الخجل لآ صافحه *** مدعوج الأعيانى
يناظرنى وأناظرلـه *** وعينى تنظر لعـينه
مشاعرنا تلاقت ياعلي *** بالعالم الثانى
على شأنه أبيع العمر *** ماشور عن سنينه
لان العمر هو لحظة *** فيها صاحبي جانى

حرف(ز) لايوجد كلمات




حرف(س)



((ساعة الليل))

ساعة الليل من غير اللقا بك دهر *** ما تحمل ثوانيها طوال(ن) عـــــراض
الهواجيس تلعبي وأعيش بقهـــــر *** وأتصبر لأن الحب ما يستعــــــــاض
لك محل(ن) في قلبي مع سنيني كبر *** لا تذكرت لك دمعي تحدر وفـــــــــاض
ياغزال(ن) إنبها بالحلى وأشتهـر *** أشعل الضي نوره مع شديد البيــــاض
يوم حزنك لعيني ياحياتي بهــــر *** داعي الحب برقه داخل القلب هــــاض
والخدود الرقيقه لين ورده ظهــر *** تحسب إنه بها الروض من أبها الرياض
صرت مركب بلا مجداف في وسط البحـــر *** يلعب الموج به عقب الفلآ والفيـــاض
مقدر أوصل لشاطئ وصلنا يا قمــر *** آه عزي لقلب(ن) لأذكرك أستاهـــــاض
الله اللي كتب لي في سطور القـدر *** وما كتبه الولي مالي عليه إعتــراض
حالتي منك يبراها كثير السهـــر *** وآ هني الذي مع وادي الحب فـــــاض


===========================


((سافري خلي حبيبك))

سافري خلي حبيبك ينجرح *** دوري حظك ترى حظي عثر
بددي حزنك بتجديد الحبيب *** وإنسي الي بي من الدنيا قهر
خوذي أوراقك وباقي عبرتك *** وإسحبي يمناك عن كف القدر
أنهي العشرة ولو قلبك وفي *** واتركيني انتحب وأبكي دهر
ما أحتمل شوفت عيوني تطلبك *** ودها تلقالي بموسمها مطر
سافري يمكن ليا طال السفر *** ينتهي حزنك وحزني لو كبر


============================

((سامحيني))

سامحيني و الزعل ماله لزوم *** أمسحي الدمعه عن الخد الحزين
سامحيني يا قمر بين النجوم *** وأعصميني وأرحميني من الونين
في وسط قلبي لكم حب(ن) يدوم *** بس إنتي عن غرورك خابرين
راحت أيام الحزن ويا الهموم *** يوم شفتك يالحبيبه تناظرين
شوفي قلبي من سببكم يالظلوم *** دايم(ن) مجروح وإنتي تجرحين
المحبه طبعها طبع(ن) رحوم *** بس قلبك قاسي(ن) عيى يلين

=============================


((سافر حبيب الروح))

سافر حبيب الروح لاوى على العين *** جاني يودعني بنفس(ن) حزينه
جاني يقول الزين منا بمبطـــــــــــين *** والدمع حسيته يغورق بعينــــــــــــه
ياشين بعد جدار مابين الأثنـــــــــين *** صارت حياتي عقب فرقاه مشينـــــه
ياالله ياللي تعلم الزين والشـــــــــين *** لا تجعل الأيام بيني وبينــــــــــــــه
حرف(ش)


((شمس حبك))

شمس حبك عن سماي أنحت وغابت
وشبلاها عجلت قبل المغيب

تونا حنا الضحى من ويش هابت
ماخبر شمس الضحى أنه تغيب

وعسى ماواشي(ن) كذبته ذابت
في سرابه وأنطوى معنى الحبيب

كان هذا الصح نفسي منك طابت
لاتجيني ماكتب لازم يصيب

كم من الخلان روس الناس شابت
وأنت شيبتن قبل وقت المشيب

أنسني وأنساك عين الحسد صابت
كل جرح لامضى وقته يطيب
حرف(ص)




((صدفتك وذرفت عبرات عيني))

صدفتك وذرفت عبرات عيني *** وردت بالحشاء تنزف جروحي
طرى لي مامضى بينك وبيني *** يوم أنك لي تجي دوم وتروحي
يوم أنت بالوصل تسعد سنيني *** وتملى في شعاع الوقت روحي
قبل تسمع بقول العاذليني *** وأنا اللي فيك لابسمع ولا أوحي
تمثل دربك أخلآص وحنيني *** وعن دربي تعمدت النزوحي
وأنا برجو حنانك ياضنيني *** لقلب(ن) في هوى غيرك شحوحي
بشوقه ينتظر وصلك تجيني *** وعن ماشاف من ظلمك سموحي



((صممت اسافر))

صممت أسافر بس ما هو برضايه *** نويت أنا المرواح وخليت الأحباب
غصب(ن) علي ماني بدور عنايه *** ودعت أنا الأحباب والدمع سكاب
فرقاك يالغالي تكدر سمايه *** وقربك ينسيني القرايب والأصحاب
بعدك صعيب(ن) يا منايه وشقايه *** وشلون بصبر عنك والقلب منصاب
عسى الغلآ وياك ماله نهايه *** من حب غيري يالغضي صافي مقطاب
ليت القدر يا زين يسمع ندايه *** يوم الملآ يعيوني مغليك ما طاب

=============================


((صدقيــني))

صدقيني لو تبين الشمس أجيبها *** أرتمي بالنار وردتي نعـيم
صدقيني أنتي أغلى يالحبيبه *** من سواد العين والمولا عـليم
الدقيقه قبل أعرفك ماهتني به *** والحزن يابنت بفؤادي مهـيم
حظي يالي ماصدقت مره تصيبه *** الصراحه اليوم وبقى لي سلـيم
الهوى والعشق دبلاته عجيبه *** أنحر العشاق تعذيبه مشيم
أسعديني ياهنى القلب وطبيبه *** أتركيني في سماء حبك أهيم
قمة الآحساس لـصرتي قريبه *** لازعل لاخوف والنشوى نديم


===========================


((صديت عني))

صديت عني وأبتليت أنا بفرقاك *** غصب(ن) عليه اليوم قلبي جرحته
صديت عني وآعسى الله يجزاك *** مدري علامك ليه حبي ظلمته
أغويتني بالحب ماعرف خفاياك *** وأوهمتني بحلو الكلام وسمعـته
خليت قلبي يتبعك ثم يهواك *** وحققت منه رغبتك ثم تركته
أدميت قلبي وأنقطع كل رجواك *** وجرحت حبي ماكتفيت وطعنته
دمي نزف وأنت ألتقيته بيمناك *** وشربت من كف الغدر وأرتشفته
ضيعت عمري ضيع الله دنياك *** وهديت قصر(ن) من خيالي نسجته


===========================

((صادفتني ليلة الجمعه))

صادفتني ليله الجمعه هنوف ... جابها حظي وأنـا مـدري بهـا
شفتها في عرس مع ناس وقوف... صوبتني وأنا ماقدرت أصيبها
حيرتني واقف(ن) بين الصفوف ... حارت الرجلين مانمشـي بهـا
ليتها تدري وفي حالي تروف... ليت حظـي بالصـدف يجيبهـا
كامله والكامـل الله بالوصـوف ... ياسعـد ياليتنـي حبيبهـا
حرف(ض)لايوجد كلمات
حرف(ط)لايوجد كلمات
حرف(ظ) لايوجد كلمات




حرف(ع)



((عند الوداع))

عند الوداع أقفيت عني ولاجيت
تركتني تايه ولاهي بدينــا
لك منزلآ في داخل القلب حطيت
ماقبلكم أبدآ بالمحبه حظينــــا
نويت أصارحكم ولكن تماديت
أبغى الصرحه منك تظهر علينـا
يشهد ضميري كم من أجلك تعنيت
فراقك يالمجمول صعبه علينـــا
===============================


((عفت الحياه))

عفت الحياة ومنوتي ليتنـي ميـت
خلاص يكفي مامضى من غرابيـل
ماعاد أطيق العيش بالسوق والبيت
لآبالنهار أدلـه ولآأرتـاح بالليـل
بالعيد والأفراح مالي أنـا صيـت
وأبكي بأوقات الطـرب والتعاليـل
من كل شيء أقول يانـاس مليـت
وأكثر من اللي شلت عجزان لآشيل
فوق الشرف رآيات الأحزان رزيت
وأطفيت مافي دارنـا مـن قناديـل
رفعـت يدّينـي لربـي ونـاديـت
يالله بعد المـوت ماأشـوف تنكيـل


==============================

((عزاه ياقلبي))

عزاه ياقلـبي من البعــد عزاه *** عزاه بطول اللـيل أبـكي وليفي
أبكي وأنا اللي جرحتني خـطاياه *** والدمع دايم من عيوني ذريفي
أنا أشهد أني دايم الفكر مانساه *** هو ربـيع الـعمر وهو خـريفي
يانـور عـيني ياحـياتي ومعـناه *** يابـارقا بالوسـم يوحي بـحنيني
عـيني جفاه النوم ياكـود فرقاه *** وأنا الذي لآجله بشوفي كـفيفي


==============================


((عطني عهد))

عطني عهد وأنا أمتثلك وصافيك *** والآ ترى مابيننا ماله أساس
أخشى أتورط بالمحبه وحاكيك *** وتصيرلي قصه تسولف بها الناس
خل الوفا يأخذ مكانه وأنا جيك *** ولا على العشره نترحم ولا بأس
وأببتعد عن دربكم ليه أعنيك *** وأترك مجال السوء لآجلك والأنجاس
مع السلامه جعل ربي يهنيك *** عسى الولي يسعدك ياصعب الآحساس


================================


((على طبيب الهوى))

على طبيب يا ناس دلوني *** تجملوا جمل الله حالكم فيه
تجملوا يا هل المعروف شيلوني *** إن كان مايقدر بـالمشي رجليـه
بس أوصلوني هوى بالي وخلوني *** أموت عنده ولا برض(ن) خلاويه
يا عارفين الموده لا تلوموني *** البال مشغول و عيوني شقاويه
مهما تقولون وش ما تقولوني *** أحبه و النفس مأموره ومنهيه
إن قلت ودام أنا قد باح مكنوني *** أنا أشهد إن هذي بلوه سماويه


================================


((عن عيوني ناعس))

عن عيوني ناعس الطرف أختفى *** وأبتدى عمري مشاوير الضياع
كل نور(ن) من بعد نوره طفى *** لا شـرقت شمس(ن) ولا بين شعـاع
ماكفـت في غيبته خلي جفى *** لا كـن الأقدار سلطانه مطـاع
يوم حظي خانني بحب وخفى *** التـواصل بيننا صار أنقطاع
حبنا رمز التسامح والوفى *** كل شي(ن) بيننا تم بإقتناع


=================================


((عنك انا ابعدت))

عنك أنا أبعدت ماهي رغبت(ن) في جفاك *** لا كن أخشى عليكم من كلام العذول
مابي الناس في عين الملآ ما تراك *** مابي الناس شي(ن) يحكي عنك ويقول
حتى لو غاب جسمي عنك قلبي معاك *** يا عيوني خيالك دايم(ن) مايزول
يا هنا الروح روحي في المحبه فداك *** بيننا غير فرقاها أبد مايحول
لا تظن إن قلبي في رحيلي نساك *** غيرك من البشر ماله بقلبي نزول
يالذي في طبعه رقه وحسنه ملاك *** عن طريق الوفى بالحب ماله يحول


=================================


((عين المها))

عين المها كف النظر لي بتحذير *** مقدر أحوش العين دونك نظرها
الله بلاني بحب سود(ن) محاوير *** سلمت له قلبي و لا أعرف خطرها
أحسب شعوري نظرة إعجاب وتقدير *** أثري عيونك بي تمكن سحرها
يوم(ن) نبذة فسر لي كثر التفاكير *** ويا دموع(ن) طرفي لجلك نثرها
هلكتني بالحب يالله عسى خير *** هذا نصيب النفس وهذا قدرها
أرجوك لا تجعل حياتي مخاطير *** لــدام سلطان الهوى لك أسرها
من طلعت سود الليالي مساهـير *** لا بان به نورك تخفى قمرها
يا فاتن الأوصاف سمح التعابير *** جنبني عن جور الليالي وكدرها


==============================


((عقب ماكنتي))

عقب ماكنتي امل صرتي سراب *** كل ما أقرب منك فجأه تبعدين
ماقوى النسيان أنسيني العذاب *** نظرتك في شوق وأنتي ترحلين
انتهاء فيك الآمل عندي وذاب *** مثل ما الدنيا تذوبها السنين
شاب طرفي والحزن دايم شباب *** الفرح والسعد في حزني دفين
كيف أواجه دنيتي وأبدي العذاب *** دام أنا بالحزن لدنيا مقين


===============================


((عطني من ليلك))

عطني من ليلك دموعك والسهر *** وأدفن همومك فـي قلب(ن) ماسـلآك
خذ دموعي في سماء صيفك مطر *** فوق رمشي يعبر بخطـوت رضـاك
آشق عمري لااعترض صفوك كدر *** خل عمرك ينتظر ساعـة صفـاك
لوبكف السعد صافحني القدر *** صرت نشوة صبحك وسلوة مسـاك
عن ضروف الوقت لاتبدي عذر *** وأنت بين الناس في صورة مــلاك
نظرتك لو شافت الشمس القهر *** أختفت في غيم حزنك عـن ســواك
حرف(ف)



((فراقك حان))

فراقك حان ومالي غير دمعي *** آسلي خاطري به و أتصبر
الآ ياليت تجي وتشوف وضعي *** على ماصابني الله وأكبر
جميع الخلق مايقوون منعي *** بعد فرقاك ماضنيت أنا أصبر
الآ ياليت للحب حكم شرعي *** عشان إني في دعواي مجبر
على بعدك ولا غيرت طبعي *** أضيق ليا ذكرتك وآ تعبر


=================================


((فزيت يوم))

فزيت يوم إطريك عندي وصديـت *** عن عبرتي خايف يشوفون ماهـــا
هيضت قلب(ن) في بروجه تعاليت *** رميت روحي يا بعد من رماهـــا
كأنك تغلى عن حبيبك وليا جيت *** تكويه في نظرة عيونك لظاهـــا
خاب الرجى في عشقتي آه ياليت *** تقوى على نفس(ن) وصالط أمناها
خذيت بعيونك غرامي وقفيــــت *** وقفت وراك الروح تتبع هواهــا
أبتحمل وأخفي شقى ليه طريـــت *** وبدي بحالي ياحسايف غلاهـــــا
أبحتمل جرح(ن) فرقاك يالـيـت *** أباتعزم ورتجيك بعزاهـــــــا


=================================


((في وحدتي))

في وحدتي حسيت في صفوة البال ***وأبديت أعبر عن هموم(ن) خفيه
يومي فقدت اللي لهم أشكي الحال *** وليا ضاقت الدنيا يروفون فيه
صبرت لأ كن شف أنا الصبر ذي طال *** ولا لقيت الي يشفق عليه
سكبت دمع(ن) فوق الأوجان سيال *** لعل دمعي يجلب السعد ليه
لا كن خساره ما بغى القلب ما نال *** خلي يوردني لحوض المنيه
أحسبه يهواني وأثاريه محتال *** و أنا الذي مغليه عن حسن نيه
قلبي طري لآ هاب فيه الهوى مال *** وأحسب قلوب الناس كلها طريه
لا وآ حسافه يوم كذبت من قال *** كل من ضحك لجلك نفسه وفيه


========================================


((في وداعك))

في وداعك صدقي عيت خطاي *** لا تحرك في مكاني وقفت
ما قدرت أمشي وخليكي وراي *** ماقدرت أمشي ورجلك ما خطت
وأستباحت دمعتك من اللي عناي *** تحكي أحزاني و هي عني حكت
دمعة النجلة تعزي في هواي *** بس روحي عن هواها ما عـزت
الليالي السود سودها آساي *** والغيوم عيوني بأحزاني حكـت
ماشكيت الصبر في يآسي ورجاي *** والليالي من كثر صبري شكت

==============================


((فيه غيرك))

فيه غيرك من يحبوني كثيــر *** لا تدلل تفتكر إنت الوحيــد
أعرف إنك بالهوى توك صغيـر *** تو ماجربت بهالدنيا جديــد
تحسب إن القلب في حبك أسير *** مادريت إنك بتفكيرك بعيــد
راحت أيامي قبل عرفك بخيـر *** من عرفتك ما مضت لحظه سعيد
أنتهيت ومن هواكم مستخيــر *** وآ عسى يبلاك ربي يا عنيــد


=================================


((فارقتني وانته منى البال والروح))

فارقتنــي وانته منى البال والروح *** لاتحسبني عقب فرقاك مرتاح
العين هلت صافي الدمع ممسوح *** والقلب يكفخ فيني عبرات وصياح
منك السهر من عيني والقلب مجروح *** ولانيب الأول من فقد صاحبه نـاح
والله مالي بالغرابيــل مصلوح *** لاشك حبك ماهقيتـه بينـزاح
ياكيف ببقى دايم الدوم مطروح *** لابيدي حيله ولا دمـك سلاح
دور خليل دربك اليوم مفتوح *** من يوم شفتك ماتهنيت بأفــراح
حرف(ق)



((قلت آه ياتركي))

قلت آه ياتركي طوى الهم حالى
حالي قضت من قل شوف المراسيل
عيت تنام العين سود اللليالـي
عافت منامه وأنكرت نومـة الليـل
الله على شوفة حسين الدلالي
اللي من أسبابه شكيـت الغرابيـل
أبو عيون رمش هله ضلالـي
سود محاجرهن وساع(ن) مضاليـل
ونيت لي ونه من الليـل سالي
ونـة عليـل زاد بــه من الـويـل
ماله طبيب ولا مداوي يـداوي
ماغير مضهـود ولا حـال ولاحيـل
================================


((قالوا نسيته))

قــالـــو نــســيــه قلت أنـا مقـدر أنسـاه
قــالـــو تــحــبــه قـلـت هــذي الحـقـيقـه
قــالـــو تـــــزوره قلـت أنــا ويــن بلـقـاه
قــالـــو تــحـــاول قـلـت كـيـف الطريـقـه

قــالـــو تــشــوفــه قـلـت انــا وحــــلــولاه

أشـوف زولـه في حــيـــاتي دقــيــقـه

قـالـولـي أصـبـــر قلـت أنـا الصبـرمـقـواه

أصبر عن مضنون عيني ماطـيـقـه
===============================


((قلي متى))

قلي متى نرجع لدنيا الهوى قول *** قلي متى تسعد بشوفك عيوني
هذا السهر أصبح رفيقي على طول *** ومن أول(ن) ماكان يعرف عيوني
طبعك غريب(ن) بس رضيناه ومقبول *** منك الجفى والدمع جرح عيوني
من شاف حالي قال ياحـول مخـذول *** وأنا دمر حـالـي هـواك وعيوني
إنت الحبيب الي أحبه على طول *** وأنت الذي يسكن في داخل عيوني
لا تفتكر إني بنساك معـقـول *** أنسى هوى عمري وبهجة عيوني

حرف(ك)




((كلمة سفر))

كلمة سفر..
تجعلني في لحظه حزين
وأقسى خبر..
لما تقولوا مسافرين
يعني خلاص:
أبقى أتعذب من جديد
مامن مناص.
لاحول خلتني وحيد
هو السفـر :يعني نهاية مرحله؟
والا القــدر ..أنا تناسيت أسئله..
كل ماتقابلنا سوى.. عشاق يأخذنا الهوى

وأما على سطح القمر.....والآ على حـدود النهـر
طاب السهـر..واللي على بالي حضـر..
لكنها:كلمة سفر..
تجعلني في لحظـه حزيــن
=================================


((كل حزني))

كل حزني في صدى صوتك يضيع *** لآ سمعته تبتسم لي دنيتي
ان نصيتك أمشي بخطوي سريع *** وان بغيت أجفى تباطت خطوتي
وان ضحكتي عندي الدنيا ربيع *** في جبينك تبتسملي فرحتي
وان ذرفتي دمعتك امر(ن) مريع *** دمعتك دايم تسابق دمعتي
أشتري لرضاك هالدنيا وأبيع *** كل مافيها لأنك منيتي
===============================


((كم كتبنا من رسايل))

كـم كتبنا من رسايل***وأنتظرنا له جـواب
مـــاتردون الرسايـل***ليه ترضون العذاب

راجيـن منك الوصــال***ماطلبت منك محال
تـــرجـعـيـلـي يـــادلال***لاتـزيدين اللهيـــب

أفتكــر أيــام هـوانـــا***أفتكر أيـام زمـــان
أحنــا والليل وهنانــا***وأبتسامات الحنان

كان حبي لك ياغـالي***عالي يصعد لسحاب
كيف تنسى أيام لقانا***كيف ترضون العذاب
=============================

((كلن يروح))

كل(ن) يروح الله يديمه ويرعاه *** لآبـد ماكل(ن) يلاقـي حبيبــه
وأنبدل الماضي بحاظر وننساه *** ونقول حب(ن) ماضي(ن) وش نبي به
ونغير الماضي وننهي سوآياه *** ومن راح بالعشره ومن هو يجيبه
ياما صبرنا لين كثرت خطاياه *** وياما تحملنا ولكن مصيبه
وياما سهرنا بأول الليل وجداه *** نبكي لين الشمس تنصا لغيبه
ياجارح(ن) قلبي عجزتك وتقواه *** من شب نار القلب يطفي لهيبه
حرف(ل)


((لاخان ودك))

لاخان ودك من تعزه على الـروح *** معذور لو صديت عن باقي النـاس
شخص معك يمشي لغايه ومصلـوح *** ان جاه غيرك باح سرك على الناس
ياقلبي لاتخدعك ضحكات ومـزوح *** بيع اللذي باعوك وأعمل كما الناس
يمضي علي اليوم يـوم انـي أروح *** ألـقـاه ويلقاني خفيـه علـى النـاس
لآكل من يعشق تعود علـى النـوح *** ولآكل من خانه عشيره جفى النـاس
==============================

((لجف دمعي))

لجف دمعي وشفت طيف المســـــــرات *** أستبشرت نفسي بقدوم السلامـــه
تجيني بأخبار(ن) بها همـوم ولوعات *** ترسم على حالي بشقاها علامـــه
أحكي عذابي للمخاليق عبـــــــرات *** وألقى العزى منهم عتاب و ملامه
يا ما عليك الليل يسرقني دمعـــات *** ليل(ن) سهر عيني مناه ومرامـه
يقول نومك لحظة(ن) ماهو ساعــــات *** حرم على عينك حبيبك منامــــه
لا تظلميني يكفي هم(ن) مضى فــــات *** ياما حمله القلب وأخفاه يامـه
غيرك يقول أليا نظرني سلامـــــــات *** وإنتا على حالي أمرت بحطامــه
=============================

((ليل يالليل))

ليل يالليل اشتقت له حيل *** أشتقت والغربه ورتنى الويل
ماطاوعن قلبي .. آسلى واخليها *** هي ديرتي وحبي حائل وأهاليها
أصل الكرم منها ياناشد(ن) عنها *** والضيف لاجاها يتمنى يسكنها
ربع(ن) هل النخوة.. من طبعهم أخوة *** يازين جمعتهم بالشدة والرخوة
================================

((لاتأسف))

لاتأسف كل حزنك مايفيد *** لا تضيع وقتنا الغالي سدى
لا تذل النفس يا عنق الفريد *** دوك روحي من أجل ذالك فدى
يوم شفت بوجنتك دمع(ن) يزيد *** كنها ورده وغاشيها ندى
إبتديت أحس بإحساس(ن) جديد *** تو حبي ياحبيبي لك بدى
يوم شفت بدمعتك حزن(ن) أكيد *** كل جرحي منك بالدمعه غدى
وأن غمزت بنشوة الحب الجديد *** وأسمع الخفاق بأفراحه شذى
وأبتدى قلبي بأشواقه يبيد *** كن جرحي منك بركان وهدى
حبي اللي مستحيل أنه يبيد *** مثل نور الشمس في بعد المدى
كن حبك غنوة(ن) قلبي يعيد *** كل أنغامه ودقاته صدى
==============================

((لاتجاملني))

لا تجاملني وعشرتنا أنتهت *** حتى أنا مثلك تراني أنتهيت
لا تعاتب نفسي اللي لك صفت *** بس أنت اللي عنيد(ن) ماصفيت
عند كل الناس أدافع لا حكت *** وأنت يالظالم في غيباتي حكيت
ياما عيني في غيابك لك بكت *** لا تلقينا بعد فرقاه بكيت
منك سري به عواذلنا درت *** لا تحسب إني بطبعك مادريت
غرتك نفسك وعينك أنعمت *** أشهد إني عند معرفتك انعميت
رح بلا رجعه ترى نفسي سلت *** عنك أنا ياخاين العشره سليت
===============================
((لاصار قلبك))

لا صار قلبك يهتوي حب غيري *** ما هي غصايب يوم تتبع هوايه
لا لا تجامل من هواي عشيري *** قلي الصراحه لا تجي من ورايه
وطيت من أجلك كل درب(ن) عثيري *** وأنت سبايب كل همي وعنايه
يومني عطيتك فؤادي وضميري *** أحسبك مخلص يا حياتي معايه
لا شك خاب الظـن بك يالغريري *** يوم(ن) وثقت إنك تدور هناي ================================
((ليه الجفى))

ليه الجفى لوعتي القلب تلويــع *** نثرتي اللوعات في مهجتي ليــه
أنتي ولا غيرك عشقته ولا طيــــع *** لو قيل تمضي وقتنا فيك يا هيه
أستر دموعي وأمنع النفس تمنيـع *** لا شك دمعي خانني آه شوفيــــه
خوذي عهودك وأتركيني أنا ضيــع *** في بحـر حبك لو جفتني لياليــه
=============================
((للهوا وانتي))

للهوا وانتي ومعــاذير الظروف *** مابقى للقـلب من صبري مفر
الرجاء شمسه بدى فيها الكسوف *** والآمل في ساحـة الظلم أنتحر
نلتقي في صمت ونتوادع بخوف *** بيننا حتى الـحكي صار بحـذر
في خواطرنا أختفت حتى الحروف *** والمشاعـر تبكي من جرح القهـر
حبـنا اللي بالوفـاء كان محـفـوف *** فوق كفك دمـه اليـوم أنتثـر
لا الـزمن يرحم ولا قلبك يـروف *** لي متى وأنتي سحاب بلا مطر
==============================
((لاتنشدوني))

لا تنشدوني ياهلى ليه ونيت *** هم(ن)بقلبي ماحسبتوه حسابه
يابوي أنا في مرقدي ماتهنيت *** ماذقت طعم الزاد وياشرابه
أنا مريض وتحسبوني تشافيت *** والعين من كثر الهماليل ذايبه
الباب مافـي واحد الاتحريت *** جاه المرض وأدواه بأول شبابه
اللي من أسبابه من الناس مليت *** جرح بقلبي تراه تجدد صوابه
الله يشافي اللي من أجله تعنيت *** من شأن حبه عفت كل القرابه
اللي لا شافن مع الباب دشيت *** يفز قلبه ويبتسم لي ياهلابه
ليته يطيب لسالف الناس هليت *** وأبعدت هم(ن)والحزن في سرابه
والخاتمه رجواي من وألي البيت *** أنه يخفف عن حياتي عذابه
=============================

((لفاني الخط))


لفاني الخط من زين العجايب *** الآ يـامرحبـا عـدة جوابـه
أنا ساعة قريته طحت ذايب *** وراسي شاب في ذمة شبابه
يهون الهم وتهون المصايب *** وجفني لذة نومه ماهتنى به
الآ ياعذليـن ماني بتايـب *** وأشوف القلب يتزايد عذابه
الآ ياعذلين لو كنت شايب *** شباب القلب يجـدد شبابه
حرف(م)



((مشتاقلك))

مشتاقلك بس المسافه طويله *** بيني وبينك ماأقدر أصلك وأجيك
لآشك أببعثلك سلام تشيله ** ريح جنـوب وطيـب العطر تهديك
من قلبي المشتاق يابو جديله *** يأخذ سواد الليل منها ويهديك
الحب لك وحدك وعندي دليله *** دمع العيون اللي على البعد يسقيك
الشوق والتحنان في كل ليله *** يسرق حلاة النوم وأسهر أناجيك
ياعود ريحان نماء في خميله *** الروح مني يـشعل العين تفديك


===============================

((مقدر اعيش))

مقدر أعيش الواقع المر بسكـــات *** غصب(ن) علي من جور الأيام ضايـق
بيني وبين أفراح عمري مسافـــات *** تعوقني بالحيل عنها عوايـــق
شيبي وهمي والضلوع النحيـــــلات *** من غربة(ن) بالعمـر مابه وفايـق
ضربة عمر منها الجوارح عطيبــات *** ولجل الرجى جربت كل الطرايــق
ورد الآمل في زحمة اليأس مامــات *** يحييه دمع (ن) به رموشي غرايــق
بدايه أجاوب صرخة العمر بآهـــات *** لــدام حظي من عنى الوجد ذايـق
ياليت خلي راح مع فايت(ن) فــــات *** أقفى ولا شب بضميري حرايــــق
أقفى عن أطلال(ن) فقدت به علامـات *** جو الهوى فيها من أعوام رايـق
يوم أعتذر وأرسل على الخد عبرات *** ألحق على جرح الضماير لحايـق
مظلوم أنا وقت الظروف الصعيبـات *** ولاجي بروحي ماكان لايـــــــق
===============================

((ماعلى بالي))

ماعلى بالي سواك من البشر *** يا ملاك الكون ياتاج الجمال
حبكم في القلب يالغالي أستقر *** مايبي غيرك وجوفت الكمال
يابعد روحي و يا كل العمر *** خالقك ربي ومعطيك الدلال
ماستطيع أفارقكم يوم السفر *** و لا ترجع هاجس(ن) بالقلب طال
خل فرحتنا يضويه القمر *** في ليال(ن) كلها حب وصال
أحمدالله يوم سيرك القدر *** وأهتنيت بشوفكم والجرح زال
===========================

((مافيه داعي تسكب الدمع))

مافيه داعي تسكب الدمع يازين *** قلبي عليل وزاده الدمع عله
أشفق على قلب(ن) عليل(ن) ومسكين *** حرام تصلى ضامري فوق مله
بسهوم عينك يالغضي ليه ترمين *** والحب من قلبك لقلبي تشله
كانك نويت البعد يا قرة العين *** فرقاك ياروحي لروحي تسله
كان أنت عايفني ولا أنت بباغين *** قلب(ن) ملكته رجعه في محله

===========================

((مزع خطاباتي))

مزع خطاباتي ولا عاد لي فيك *** رجع لي الصوره وما بيننا راح
لا عاد تذكرني ولاني بباغيك *** الحب جد ولا تحسب إنه مزاح
يكفي شبابي راح كله وأنا أرجيك *** وتكفي دموع العين من بعد الأفراح
أرجوك تنساني وتنسى لياليك *** خلني أعيش الي بقالي وأرتاح
ومن أول(ن) أسهر بليلي وأنـاجيك *** وأرعى نجوم الليل وأقول ليا صاح
واليوم عفتك وأعرف أني مجافيك *** خلاص يالمغرور حبك ترى راح

===========================

((مقدر اقول))

مقدر أقول أشواق قلبي غريبــه *** مقدر أصدق ياهنا النفس ماصـار
كل المشاعر دربها تنتهي بـــه *** لحظات عمري تسعد القلب بأفكار
قبلك حبيبي عشت دايم وحيـــده *** ماعشت قبلك لحظة(ن) تحمل أســرار
مقدر أنا أعرف من حياتي دقيقه *** تبعدك عني شينها كلها نــــار
أنته ربيع العمر حبك نصيبـــه *** احلآ العمر وياك جنات وانهــار
أنت القدر وأنته لقلبي رفيقـه *** قلبي تراه وياك في كل مشـــوار
ودي تحس الشوق تعرف طريقه***ودي بعد املك ثو**** بأفكار
ودي أقدم لك معاني جديـــــده *** وأسقيك كاس الحب من كل الآنهار

===========================

((مانته بقد الغلا))
مانته بقد الغلا يازين وأغليتك *** وأغليت حبك وأحسب أنك بتصفالي
أيام كنته معي صافي وصافيتك *** واليوم بالصد سالي ومشغل بالي
طعت العواذل وأنا يازين حبـيتك *** ووثقت بك ياحبيبي وأنته محتالي
غدار بالحب ظالم وأنت ياليتك *** قلت الصراحه لنا بالحب يالغالي
شفت الجفا منك ياأسمر يوم ناديتك *** صديت عني ولا كنك سمعت تالي
وان كان حبيت غيري جيت هنيتك *** حقك على المعـزه رغم عـذالي

===========================

((من سهر عيني))

من سهر عيني أنا روحي بخطر *** ماهنأ جفني بمنامه له شهور
وأنقضى عمري غرابيل وكدر *** ضاع ونسي من حياتي والزهور
دون مرسى الحب مجدافي أنكسر *** وأنحدر بي مركبي ألقـاع البحور
عن منى نفسي تنحابي القدر *** صارت الأحلام على قلبي تزور
بعد كثر الهم ومشروب القهر *** أقطف أشواك الغبن وأجني الكـدور
لحظتي ساعه واليوم بشهـر *** وغايتي من دونها عالي الجسور
===========================

((منيت القلب))

منيت القلب وغايه مرادي *** زاد شوقي لربعي والأحباب
والسمر طاب والشوق غـلاب

سال دمعي وأنهمر فوق خدي *** من طواري الأحبه والأصحـاب
والسمر طاب والشوق غـلاب

للاحبه محل في فؤادي *** تجمع الشمل يارب الأربـاب
والسمر طاب والشوق غــلاب

===========================

((مافيه داعي تكتم اني مجافيك))

مافيه داعي تكتم أني مجافيك *** يكفي طوال الهجر من غير داعي
والإ ترى قلبي يحبك ويغليك *** لأ كــــــــــن تفارقنا بليا وداعي
ضاع الآمل والحب ياعزوتي فيك *** صارت ليالي عمرنا في ضياعي
مسكين ياقلبي علي الخلف فيك *** يعصفك لدروب المحبه تراعـــي
الله يصبرني على عبرتي فيك *** أحرقت في وسط العواصف شراعي
يجزاك ربي في عذاب اللي مغليك *** أظلم لفقدك لو عيونه تراعي
تلقى محب(ن) لك في دنياه باغيـك *** ماهو لحب ينحرف له بساعي
صديت مافكرت بقلب(ن) يناجيك *** وأكفاك جرح(ن) في ضميري يلاعي

===========================

((مادريت انك بحبي مستصيب))

مادريت أنك بحبي مستصيب *** ومادريت أنك معنى في هواي
ما احسب أنه بالهوى قلبك صويب *** والسبب في كل بلواكم غلاي
لودريت أنك مولع يالحبيب *** عني ماغاب القمر واظلمت سماي
لو طرى ان بالهوى مالي نصيب *** لانـزف جرحي ولابين خفـاي
كم قضيت سنين في سهر ونحيب *** مالقيت اللي يخفف عن عناي
لا أنا مرتاح من جرحي العطيب *** والهموم اللي لجـت بأقصى حشاي
أرتجيت بك والرجا بك مايخيب *** لاتخيب ياهوى بالي ورجاي
عن عيوني ياحياتي لاتغيب *** غيبتك عن ناظري سبـة بلاي
غيركم مالي بهالـدنـيـا طبيـب *** أنته غاية منيتي وأنته دواي
أطلب من اللي على العالم رقيب *** يجتمع شملي معك يامبتغاي
حرف (ن)

((ناعمات الصوت))

ناعمات الصوت والهرج الحنـون *** دافيات الهمس بأخر ليلهـا
راح نومي من بحور العيــــون *** وأرسلت بدموع أيا زينـهــا
وش لقت فيني كل ما فيني طعون *** غيركم حالي من ياويلهـــا
كل ماقلت ان جروحي تهـــون *** مع بنات اليوم شالت شيلها

===========================


((نسمة عبير الشوق))

نسمة عبير الشوق في داخل الروح *** وأزداد في قلبي لخلي حنينه
غصب(ن) علي واقفة نفسي على النوح *** ياعلني في دمع عينه سكينه
أقبل ياله في خافي الصدر له فوح *** يازين حرقته في وجهي حزينه
يكتب أنين القلب من عيني مجروح *** تقراه ناس(ن) مثلنا عارفينه
الصاحب اللي ياهلي منه مذبوح *** منا الليالي شالته مع سنينه
وأبحر مع الآشواق من غير مصلوح *** ياليتنا قبل السفر شايفينه

=============================


((نوري ياشموع))

نوري ياشموع وأعزف ياوتر *** زانت الألحان بحضور الحبيب
أكتمل جو الطرب زال الكدر *** توي نغم العود يحلو ويطيب
ارقصي يازهور وأصفق ياشجر *** حان وقت الكيف والطين اللهيب
ياهلا بالزين شاركنا السمر *** ياهلآ بمن صار غالينا قريب
مايروق البال ألآ لآحضر *** وان تغيب صابني جرح(ن) عصيب
خاطري مكسور جاني وأنقبر *** جدد البسمات من عقب النحيب
هو حبيب الروح وفراقه عسر *** دايج(ن) ما أقواه ماشفت مثله عجيب
مولي عطفك ماخاف من الخطر *** كيف أخاف من الخطر وحولي طبيب

حرف(هـ)


((هل دمعي))

هل دمعي فوق خدي وأنهمل *** وعـذاب القـلـب من فرقا الحبيب
ان بغيت أرسل سلآمي ماوصل *** وان بغيت أنساه نسيانه صعيب
سيد كل البيض من شافه أنذهل *** يفتن العـشاق من حسـن(ن) عــجــيــب
حبني ولآ لغـيري ماحـصـل *** يوم شاف أني بحبه مستصيب
وأبعد الأيام خلي وأرتــحــل *** وعسى الله يجبر القلب الصـويـب

===========================

((هاتي يمينك))

هاتي يمينك وأمسحي دمع الاحزان *** وخلي سكون الليل بحسك تغاريد
تعالى ياصوت الهنا عذب الألحان *** نجدد لقانا ونجعل أيامنا عيد
تعالي ياعطر الزهـر فـوق الأوجان *** نجعل تـواصلنا ـبليا مواعـيد
يجمعنا صوت الشوق خلان خلان *** ويا القمر والا الضحى بغير تحـديـد
قلب(ن) يودك لاتجازيه حرمان *** ماله بكل الناس غيرك مقاصيد
عذبني طول الصبر والحال بنقصان *** فى كل يوم الموت يرسل لي تهديد

===============================

((هذا الوفا))

هذا الوفا وأنته تشوفه بعينك *** ضحيت من شأنك وحاربت الأذنين
سلوا سيوف الهجر بينى وبينك *** لكن سيوف الحب تضرب بحدين
الله على ماجاك منهم يعينك *** وأنا معك صابر على الزين والشين
مملوك فى حبك ومغرم بزينك *** وأقنع بما جاء منك في نظرة العيـن
أهم شي راضي بزينك وشينك *** والزين كله فيك ما يوجد الشيــن

===========================

((هوى قلبي))

هوى قلبي علامك ماتكرم *** تمتعنا بشي(ن) من دلآلك
تمر اليوم وأمس وماتسلم *** تعدانا ولاحنا في بالك
أنا مجبور في حبك وملزم *** وأخذت سنين مافارق خيالك
علينا هجركم أمر محرم *** وماتطـلـب ترا كلي حلالك
شربنا مر من صدك وعلقم *** وأنا والله ملينا قبالك
الرجا منك تلطف بي وترحم *** ترا والله أنا مرضى بدالــك
حرف(و)


((وقفي نبكي على الماضي))

وقفي نبكي على الماضي ســـــــوى **** وقفي ننعى سوى حـب العـمـر
حبنا اللي من مدامعنا أرتـــــــوى **** أنتهى ذكره على يـد الـقـدر
حبنا حاول لكن ماقـــــــــوى ****يستمر مادام عانده الـدهـر
حوله النسيان خيم وألتــــوى **** مثل كنز(ن)ضاع في غـب البـحـر
وقفي نبكي على أطلال الهـــــوى *** حبنا اللي ضاع في لمح البـصـر

=================================

((وش السبب))

وش السبب يازين غيري تخيرت *** يا ما عشانك زاد فيه بكايه
يومك ملكت القلب شفتك لي قصرت *** ماكنت اصدق تبتعد يا رجايه
ماتدرى انك يا منايه تغيرت *** ابعد وانا ابعد خلني فى عنايه
الله حسيبك يوم عني تسترت *** واخفيت غدرك بالهوا للنهايه

=================================


((وش جاك مني))

وش جاك مني ياهوى البال وش جاك *** وش فيك تقسى ياعشيري عليه
وش فيك تبخل ياحبيبي بالآماك *** علي وأنا معطيك عمري هديه
ياما سهرت الليل كله برجواك *** وياما لجل عينك دمحت الخطية
لوعتنى بالبعد يازين وش جاك *** ماترحم الي منك روحه شقيه
محد(ن) يسوي فى حبيبه سواياك *** ولاحد(ن) رضى للي يـوده أذيأه

==============================

((ويل قلبي))

ويل قلبي تحداه الزمان *** وغربلتنا الليالى فى هواه
شالت الآنس مني والأمان *** وحطمت بالجسد تالى قواه
نام حظي ونوم العين شان *** علت القلب قربك فى دواه
ليه تبخل بعطفك والحنان *** أو ضميرك مفارقنا نواه
لاتغلى وتسقيني الهوان *** غيبتي طلول هجرانك دواه
كيف حظي معك مايوم زان *** دايم الدوم حدر(ن) مستواه
سكتك ميلها للعين بان *** عزم القلب يمشي في سواه
لاترجى خلاص فات الآوان *** كل قلب (ن) يدور عن هناه

حرف (ي) لايوجد كلمات

[طبعي كذا]

كلك ذوووووووووووووووووووووووقـ

كلاااااااااام جميــــــــــــــــــــــــــــــــــــــــــــل



مشكووووووووووووووووووووووووووووووووووووووووووووووو ووووووووووووووووووووووور



يعطيك العــــــــــــــــــــــــــافيهـ ...

[قالت اصبر قبلنا ليلى وقيس]

الله يعافيك مشكووور يالغلا علىىى الرررد الجميل ماقصرررت

[اسيرة الحرمان]

حلووووووووووووون بس المشكل انك تدطهم كلهم مع بعض ليش ماتفرقهم وتحط كل شعر لحله